العباءة الزينبية والعباءة العصرية

كنت ذاهبه الى الحسينيه وسمعت الشيخ يتكلم عن لبس العباءة

ان بعض الرجال يدفعن زوجاتهم الى لبس العباءة الشيطانية

وطبعا هذا غلط بعد المحاظارة قمن نحن النساءنناقش هذا الموضوع بين المؤيد والمعارض

وطبعا نحن في الاحساء منتشرة عندنا ابي اعرف رايكم

اولا اشكرك خيتو على طرح الموضوع

بالنسبة لي لااؤيد العباءة الضاغطة في الجسم لانها تطلع مفاتن المراءة

بشكل كبير مما يحد الرجال للالتفت اليها غصب

والبعض الله يهديهن ماتحافظ على روحها كثير يعني كل شيء عادي في الشارع

سواء ضحك او كلام بصوت مرتفع ........الخ

اؤيد العباءة الزينبية افضل لو كانت قديمة بس ستر للمراة اكثر

اشكرك اختي على هذا الموضوع
انا في نظري سواء كانت العباة زينبيه اولا المراة اهي اللي تتحكم في العباة مثلا في وحده عباتها مستره زينبيه لكن لابستها وهي صايره بشكل ملفت للنظر يعني كمها مرفوع او عباتها رافعتها لفوق
وحده عباتها عاديه يعني مو زينبيه بس مافيها هالزخارف الملفته للنظر طبعا بس لابستها بشكل محتشم يعني عكس الاوليه
يعني في هالزمن اللي يلفت النظر اهو نفس المراء بطريقه لبسها او اذ كانت فيها زخارف ملونه او حركات مليانه او المضقوطه بشكل ملفت
يعني مثل ماقالو (المراء تصب على روحها عسل وتمشي في الشارع وتقول ليش النحل يجونها) هههه

تحياتي
%% الجوري %%

أنا مع العباءه الزينبيه بس تكون لابستها عن قناعه مو بس علشان الناس يقولون

لابسه العباءه الزينبيه البعض يعتبرونهم متدينات فقط بلبس العباءه الزينبيه

وعلى فكره الزوج اذا يقول لزوجته تلبس لبس العباة الشيطانيه هذا اتحداة يقول عنده غيره على زوجته

هذا وينه ووين الغيره حتى ما يدل طريق الغيره

حمدلله والشكر

تحياتي

%% الجوري %%

راية علي بالنسبه لبعض الازواج الله يهديهم

يرون اذا زوجاتهم لايسين هالعباءة يصيرون اكشخ

نهم يعرضون زوجاتهم لنظر من قبل الغير هذا اولا

ثانيا
وانا اعارض وبشدة كلام الجوري ان اللي يخلي زوجته تلبس العباء اللي على الموضه ماعنده غيرة

بالعكس تشوفينه غيور وبشدة بس الله يهديهم زهوة الشباب وحلاوة الدنيا ماخذتهم

يعني هو بس يبي اذا مشى في الشارع تكون امرته على الموضه

ثالثا هالامر يرجع لزوجه حتى اذا زوجها قال لها وهي ماتبي ماراح يقدر يلبسها غصب

اهي اظن بعدمو صغيرة علشان اذا قال لها رجلها اي شي وهي تدري ان غلط تروح تسويه لطاعه لمخلوق في معصية الخالق هنا ياتي دور المراءة الصالحه بانها تجلس مع زوجها وتكلمه مرة ومرتين حتى لو وصل الامر مائة مرة

واكيد ان في الاخير راح يقتنع صج موممكن بعض الازواج مايقتنع مائه بالمائه بس في الاخير اي رجل مع النصح بيعرف الغلط لان الحق دائما هو اللي ينتصر في الاخير بعض الوجات الله يهديهم تشوفها تقول انا زوجي قال لي اذا مالبستي بطالع فلانه وفلانه طبعا احنا يالحريم كله الاوازواجنا يطالعون غيرنا فشتسوي تروح وتلبس وتسويه الليبيه من لبس البرقع والعباة المزخرفه والكحل اللي بالعين وتعصي ربها اللي هو اعضم واحق ان احنا نطيعه

وابي انوه لحاجة ان مو كل عباة عصريه لافته لنظر لا طبعا فيه بنات والله لابسين عباة عصريه او ماتسمى بالعباة الغربيه

وتشوفهم مستورين خلوقين

راية على يعطيكي العافيه وانا طبعا مع العباة الزينبيه

انا اصر على كلامي ياخادمة الاطهار ان الرجال اذا قال لزوجته تلبس البس الشيطاني الملفت للنظر ماعنده غيره لان يقولها تلبس كذا وهي ماتصدق وتلبسه واذا جاو الرجاجيل وكلموها في الشارع يقول الزوج ليش يكلمونها شلفايده وبعدين يقولها غيري مستحيل تغيره الا بالغصب
يعني افضل لها تلبس لبس محتشم احسن له ولها

تحياتي
%% الجوري %%

لا يا الجوري راية علي قصدت العباءة وسمتها العباءة الشيطانيه

لو نرى الان اغلب النساء يتمتعن بخلق ويلبسن هذة العباءة التي هي من صنع الشيطان

ولو نظرتي حولك لوجدتي الاغلبيه يلبسنها لمعنى ذللك انهم كلهم شياطين

اللبس الشيطاني له معنى اخر يالجوري ولا يصح ان نعمم بالعباءة

الجوري

إذا الزوج قال لزوجته البسي مثل هالعباءة المغربية طبعا (من توضيح المفاتن والإغراءات )أصبح ما عنده غيرة ولا يعرف للغيرة طريق

طيب إذا كانت أمهات راضين لبناتهم يلبسون هالعبايات وهي التي تنصحهم بها وطبعا الأم هي تلبس العباءة الساترة الواسعة (الزينبية)

كيف يكون الوضع

تكون الأم ما عندها غيرة
أو مغلوب على أمرها
أو تبقى بناتها يكونون مثل بنات الناس ما يفرقون عنهم بشيء

بالمختصر المفيد

الكل يعرف الصح والخطأ والكل مدرك أي من العبايات تناسبه وتناسب شخصيته وتدينه

العباءة الزينبية أكثرحشمة من ناحية الشكل لكن بعض الفتيات يلبسن مثل هذه العباءة معها نقاب ملفت للإنتباه فيكون عليها انتقاد

والعباءة العصرية أحلى وأجمل من ناحية الشكل والتفنن في التطريزات والحركاااااات ولابستها بكل احترام كذلك سيحصل الإنتقاد

لأن البعض يلبس مثل هذه العباءة ليس للإغراء بل مواكبة للموضة فقط والشكل الجيد

لأن في هذا الزمن الشكل الجيد مطلوب

بغض النظر عن النظرة الشرعية للعباءة العصرية

وكل ما عشنا رأينا أكثر

ملاحظة

لو كنا من المؤيدين للعباءة الزينبية يفترض بنا أن نكون نحن السباقون للبسها

وإذا كنا من المعارضين للعباءة العصرية فمن المفترض أن نتركها

نحن واختيارنا وتفكيرنا

دمتم سالمين

تحياتي

**بحور الشوق**

اولا انا اشكركم على تفاعلكم على موضوعي

وارد على بحور الشوق واقول انا موكل الامهات ترضى البناتهم ان تلبس هذة العباءة في بعض اللامهات ماودهم بناتهم يلبسونها بس يقلون سوى الامهات او البنات مانبي انصير احنا اقل من قيرنا ولو كلا منهم لو يفكرون ويقتدون بسيدة الزهراء شان الدنيا بخير

وكذالك ارد على الجوري وايد كلام خادمت الاطهار والعباس

انا موكل الرجال او بمعنا اصح انا جميع الرجال تقار على حريمهم بس ماودهم يلبسون العباءة الزينبية لانهم يفكرون انا اذا لبستها تعتبر شاااااااااااااااايبة ولمفروض انا الرجال اهم الي يامرون حريمهم على لبسها

بس الزمن والناس ماخلو شي

الأخت راية علي

أنا لم أعمم على أن كل الأمهات

مع إحترامي الشديد لجميع الأمهات سواء قبلت بلبس العباءة الزينبية أو العصرية

لأن مستحيل تكون كل أصابعك سوى

فكل أم تختلف عن الأخرى

وكل بيت تختلف مقوماته عن البيت الآخر

وهذا الزمن زمن العجائب ممكن أنك ترين الأب والأم محافظين للعادات و التقاليد لكن أبنائهم وبناتهم غير محافظين

وهذا لا يسيء للطرفين

فكل جيل يختلف عن الجيل السابق

دمت بسلام

تحياتي

**بحور الشوق**

الجوري انتي تقولين الرجل اللي يخلي زوجته تلبس العباءة العصريه غير خلوق

وانا رافضه هالكلام ومازلت ارفضه وابي ابين لك نقطه ممكن سبقتني بها الاخت بحور حول الامهات

بس انا بتكلم عن الاباء صدقيني يالجوري فيه اباء على خلق كبير ومع ذللك تشوفينهم يشترون

لبناتهم العباءة العصريه يالجوري فيه فرق بين معنى اللبس الشيطاني واللبس العصري

على سبيل ال مثال وليس الحصر 0(لبس بعض النساء في الافراح)من ملابس غير ساترة وهذا اللبس يكون امام

نساءمثلهن وطبعا لونضرنا الى هالامر من ناحية الشرع لا يجوز طبعا ماراح اتكلم عن هالموضوع اكثر لان راح ادخل في تفاصيل ثانيهوهي مو من ظمن الموضوع

اشكرك اختي خادمة للاطهار والعباس على التوضيح
معليش توني استوعب ههههه

اختك
%% الجوري %%

بس انا داخله الموضوع مو علشان اعلق لا لا علشان اقول

وين قمة الكرامه ليه مابدى رايه بالموضوع

لازم يدخل مو هو مشرف القسم

نبي نسمع رايه كرجل

في لبس العباءة العصريه