شلون تعرف الحساوي من أهل الأحساء

السلام عليكم ورحمة الله وبركاته
شلون تعرف السعودي الحساوي الأصلي ...ماهوب تجميع ؟؟
***
إذا شافك وقابلك في الطريق سلم عليك سواء كان يعرفك او ما يعرفك
***
إذا جاورته ما لقيت من وراه اذيه، يعني ارقد و آمن
***
تلاقيه بسيط ، طبيعي ، سموح، وسيع صدر، وعلى نياته
***
إذا طق عليك الباب أعطاك سله فيها رطب خلاص أو غيره وإذا جى وقت الصيام ما نساك من التمر الزين
***
تلاقيه غارس في بيته فسيله وتشوفه مهتم فيها بنفسه
***
تلاقي عنده سيارتين،الأولى كابرس يروح عليها الشغل،و الثانية سوبر حق طريق مكة
***
تلاقي طموح أبناءه إذا تخرجوا من الجامعة انهم إما يصيرون مدرسين في الحكومة أو مهندسين في شركة ارامكوا، و أزيدك من الشعر
بيت .. كل واحد منهم يبي يتزوج مدرسه ويسكن في شقه لحاله
***
اجتماعيا من الطراز الأول ، يعني ما تمل من سوالفه
***
يزعل لكن قلبه ابيض بسرعة ينسى و علشان كذا ما تلاقيه حقود .. وإذا كان حقود يعنى شاذ عن القاعدة
***
إذا شاف شي غريب أول مره يشوفه أو يسمع فيه .. قال .. الله شذ شذا
***
إذا قلت له .. على كيفك .. رد عليك وقال.. ما يحصل
***
إذا جاء شهر رمضان طق عليك الباب و عطاك صحن هريس من طبخ أمه
***
إذا طلع تقاعد .. تلاقي طموحه عمارة في الخبر أو الدمام .. و مزرعة في الحسا فيها بركه سباحة .. وتنور حق المندي
***
يخاف من العين .. علشان كذا تلاقيه يقول لك .. قول ما شاء الله
***
إذا كان ساكن في الدمام،الخبر ، الظهران، الجبيل أو أي مدينه أخري، وجا ء يوم الأربعاء حرك ونزل الحسا،و فوق كذا يحب يقضي
العيد عند أهله وجماعته هناك
***
ما ينساك في العزايم والمناسبات ، يعرف الأصول وكريم
***
يستانس وينبسط الى من شاف له ناس من أهل الحسا
***

اي ماشاء الله عليهم اهل الحساء
الله لايغيرهم

%% الجوري %%

اللـــــــــــه مدحك للحساويه شي جميل وافتخر اني حساويه وتسلم على الموضوع ياولد الشرقيه
اختك محبة ال محمد

يا سلاااااااااااااااااااااااااااااااااااااااام

على الحساوي والحساوية

الله يدوم هالصفات الزينة

تسلم يا ولد الشرقية

تحياتي

**بحور الشوق**