قصيده مرحه ..لشاب فقير خطب بنت عمه المليونير

قصيدة لشاب فقير خطب بنت عمه المليونير

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن***ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن ***وين اختفى نهج النبي والصحابـة

يا عم جعل اللي خلقنا من الطيـن***يرد عقلك مـن خطـاه لصوابـه

ويجعل نصيبي عند غيرك قل آمين***ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه
هنا عـآد تخرب امـ الآخلآق ....
قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـةقال انقلع مالت على وجهك الشين***لا عاد أشوفـك عندنـا يالزلابـه

قلت ابشر أبشر لكن الباب من وين***وأقفيت من عنده على صوت بابـه

تحياتي
%5 الجوري %%

قصيدة أكثر منـ رائعة

صحـ لسانـ قائلها

وتسلمـ يد ناقلها

وبهذا الزمنـ لا يبحثونـ إلا على صاحبـ المالـ والسلطة

والفقير الله يعينهـ

تحااااااااااااااااااايااااااااااااااايــــ

**بحور الشوق**

الله يسلمك اختي بحور
مشكوره ع المرور

صدق حب الدنيا وحب الدراهم
عما وش ذا الطلب شكل الشايب داخل على جمعية خيرية او يطلب من امير منطقة

الله لا يقدر نشوف او تشوفون مثل هذا الاب قصدي العدو صدق مثل ما قال اخونا الفقير عدو الله

طلع ابو البنت طرار يطر من الخطيب
صحيح مثل هذه الاشكال تطر من خلق الله
الله لا يبلانا ولا يبلاكم

هههههههههههههههههههههه
والله لو يطلب من امير منطقه هالطلب كان يقوله الامير تعرف الباب وينه ويشوته مثل الكره هههههههههههههههههههه
مشكور اخوي على مرورك العطر

مشكوره اختي بس الحمدلله على نعمة العقل والمال

اي والله مثل ماقال اخوي قمة الكرامه هذا جاي يطر من الخطيب

هذا بعد يدري ما عنده اجل لو عنده شبيقول

ابي10 طيايير

اي والله
هههههههههههههههههههه
تشكرين اختي الدمع الزينبي على مرورك